الرئيسية
أحدث الصور
من طرف مشتاق الثلاثاء سبتمبر 08, 2009 12:06 amمصافحة أولى لكم أيها المميزون !
آمل أن ترتقي إلى ذائقة كل قارئ
البارحه فــــــي محكمـه للمحبيـن
شكيت خل(ن) قبل أعَشقِـه عشـقني
دخلت باب المحكمه قلت أهليــــــن
للحارس اللي من دخولي منعنـــي
قال السبب في جيتك ؟؟ قلت بعديــن
ويوم ادمعت عين المعنى عـــذرني
سألت عن قاضيهم وغرفته ويــــــن
نية تقاضي مـن خليـل(ن) ذبحنـي
قال الصبر ولكل شــــيٍ(ن) عناويـن
حدد غرضك .. وقلت خل(ن) ظلمـني
قال اتجه قسم الجفــا .. قلت ومنـين
قال انت ضايع ثم بيدِي مسـكنـي
إلين وصلنـي لقســم المـجـافيـــن
والقاضي اللي من دموعي عرفــني
حَييـت ثـم رد التحيـــــه بمثليـن
قال القضيه ؟ قلت خل(ن) حرمني
لاصوت لاهـمـسات لاعـطـف لالـــيــن
لاهو يجاوبنـي ولاهـو ســــألنـي
قال الدليل وجاوبت دمـعة العيــن
يوم انزلت حمرا على مــن هجرني
قلت اصبري يادمعتي قبلك اثــنـيــن
قلبي وجسم(ن) ناحل(ن) من تركنـي
قاطعني القاضي وقال اتضح زيـــــن
أقوى دليل(ن) في حياتي وصـلنـي
مير العقوبة تستلم قلبـه الحيـــن
حكم(ن) غيابي .. قلت حكمك عجبني
مايدري إني منتظرها من سنيـــــن
عقوبة اللي من عرفتـه ملكنــي
قال اتجه قسـم الوفـا والوفييـــن
اللي من اسمه (1000) غيره عـلتني
دخلت قسـم(ن) زاهر(ن) بالبساتيـن
وهناك خُتّم صكي اللي نصرنــــي
ملكيـة لقلبـه وكـل الشراييـــن
ولكل حلو(ن) مـن حلاته جـذبنـي
وغادرت مبناهم وأنا آقــول أهلين
للحارس اللـي بالبداية منعنـي
واليوم صار بداخل الجـــوف قلبين
ورجع لي اللي قبل أعَشقِــه عشقني
